Vjosa Osmani, kandidate për deputete në listën e VV-së

Presidentja në detyrë, Vjosa Osmani do të jetë pjesë e listës zgjedhore të Lëvizjes Vetëvendosje.

Kjo u bë e ditur në një konferencë për medie të mbajtur nga Osmani dhe kryetari i Lëvizjes Vetëvendosje, Albin Kurti.

- FIA CONSTRUCTION-

Lideri i lëvizjes Vetëvendosje, Albin Kurti tha se me Vjosa Osmanin do të garojnë bashkë në një listë.

“Sapo kemi nënshkruar marrëveshjen e parimeve dhe synimeve politike, marrëveshje kjo për një shtet me drejtësi dhe pa korrupsion, për një shoqëri me shëndet, punësim e arsim pa diskriminim…”, tha ai.

Ai tha se më 16 janar do ta dorëzojnë listën e kandidatëve për deputetë në zgjedhjet e 14 shkurtit.

Viti 2020 ka treguar se Kosova ka nevojë për kryeministër të ri dhe presidente të re. Ne e kemi presidenten që e ka kryer detyrën me përgjegjësi dhe dinjitet. E ka shprehur integritetin e institucionit dhe unitetin e popullit. Në këto zgjedhje që janë referendum duhet ta rilegjitimojmë këtë”, tha Kurti, duke shtuar se ka shumë punë të mëdha para por edhe fitore.

Më tej lideri i LVV-së ka konfirmuar se ai do të jetë kandidat për kryeministër, ndërsa Vjosa Osmani do të synojë postin e presidentes.

“Jemi të zellshëm e palodhshëm. Do të shërbejmë me përulësi për lirinë dhe barazinë e qytetarëve, për progresin dhe suksesin e shtetit”, u shpreh Kurti.

Lajmet e fundit